هوامش تنويري
صباح الخير …
صباح الخير …
على العين اللى بتنورلى مشوارى
صباح الخير …
على الضحكه اللى قادت شوق علشانى
صباح الخير …
ياأغلى الناس على قلبى
يا دنياتى … يا زرعاتى
ياضحكاتى … يا دمعاتى
صباح الخير ياملوكتى
ياعشقك وانت عشقانى
…
صباح الخير …
يا أصدق قلب فى الدنيا
يا أحلى عنين بتتكلم
وأحزن لما تتألم
وأشوف جواها عنوانى ومشوارى
وسكة عمرى تتدارى ورا الرمشين
وبِدّارِى غرام أقدم .. غرام فى الكون
غرام لكن بشكل جديد
مالوش تفسير ولا معنى
لكن مخلوق علشانى
…
ولما تقطع هدومى
تخربشنى بضوافرها
أحس فى كل خربوشه برقتها
بضحكتها … بشقواتها
اللى شدانى …
واحس الحب مش كلمه .. ولا لمسه
لكن ممكن يكون خربوش …
…
ولما تزيد خرابيشها
وتهابيشها.. فى هدماتى
مفيش قدامى غير إنى 
أوطى وابوس …
وأتمنى كمان خربوش
واقول تانى..
…
